هند سره د سركريك پشمول په ټولو حل طلب معاملو خبرو اترو كولو له چمتو يو

اسلام آباد 06 دسمبر (اے پي پي) پاکستان يو ځل بيا سپېناؤے كړې د كشمير په كشاله به هېڅ سمجهوته نه كېږي٬ هند سره د سركريك پشمول په ټولو حل طلب معاملو خبرو اترو كولو له چمتو يو٬ په سوله ايز ګاٶنډيتوب باور لرو٬ پاکستان به د افغان شخړې سياسي حل لپاره د امريكې يوه غوښتنه هم نه تسليموي٬ د افغان شخړې سياسي حل پحقله د پاكستان موقف د امريكې پشمول ټولې نړۍ تسلم كړې٬ د كرتار پوره راهداري به راتلونكي كال د بابا ګرونانك په 550مې زېږېدنې ورځ دستورو نه وړاندې بشپړه كړې شي ٬ د کشمیر په مسئله د چين موقف كښې هېڅ بدلون نه راځي۔ د زيارت په ورځ د اوونيز بريفنګ په مهال د خارجه دفتر وياند ډاكټر محمد فېصل د يوې پوښتنې په ځواب كښې ووئېل چې د كرتار پور راهدارۍ له امله به د كشمير مسئله وروستو لاړه شي نو دا خام خيالې ده۔ وياند ووئيل د كشمير په كشاله به هېڅ سمجهوته نه كېږي ٬ د كشمير كشاله هند سره بنادي مسئله ده ۔ وياند د چين په سركاري ټي وي مقبوضه كشمير د هند برخه ښودلو په حقله خبره رد كولو سره ووئيل چين په دې معامله سپيناوې جاري كړې او وئيلي ئې دي په نقشه كښې مقبوضه كشمير په سپين رنګ شخړيزه سيمه څرګنده كړې شوې۔ وياند ووئيل پاكستان هند سره د سركريك پشمول په ټولو حل طلب معاملو خبرو اترو له چمتو دے خو د نوې ډيلي نه راوړاندې كېدل لويه مسئله ده٬ هند يو ورځ تسليم كړې او بله ورځ د خپلې خبرې نه منكر شي۔ ډاكټر فېصل ووئيل پاكستان په سوله ايز ګاٶنډيتوب باور لري۔ د امریکې د خاص زلمے خلیل زاد پاكستان دورې پحقله د يوې پوښتنې په ځواب وياند ډاكټر فېصل ووئيل د افغان شخړې سياسي حل پحقله د پاكستان موقف د امريكې پشمول ټولې نړۍ تسلم كړې۔ وياند ووئيل د پاكستان تل يو دريځ پاتې شوے چې د افغانستان د شخړې پوځي هوارې ممكن نه دې او دا معامله يوازې د امن په خبرو اترو هوارېدې شي ۔ وياند ووئيل نن د افغان شخړې سوله ايز حل لپاره د امريكې د خاص نمائنده زلمے خلیل ذاد او د قطر پشمول په نورو كچو هلې ځلې روانې دي او هم زمونږ دريځ خپلوي۔ وياند ووئيل زلمے خلیل زاد په دوره كښې هېڅ شرط نه دې اېښودې شوې۔ د كشمير تازه صورتحال پحقله وياند ووئيل په مقبوضه كشمير كښې نن هم د هندي ځواكونو د ظلمونو لړۍ روانه ده ٬ په سلګونونو بې ګناه كشميريان د پېلټ ګنز په كارولو ژوبل كېږي۔ ده په هند زور رواړو ھغه دې د كشمير په مسئله نړيواله ورورولي ګمراه كول پرېږدي ٬ د ممبئۍ كېس پحقله وياند ووئيل كېس په عدالت كښې روان دے٬ د بريد په كېس كښې به د قانون له مخې انصاف كېږي۔ د ګلګت بلتستان صوبې پحقله د يوې پوښتنې په ځواب وياند ووئيل څومره ګامونه چې پورته كولې شي ھغه به د ګلګت بلتستان اختيارمنده جوړولو لپاره وي۔ د خارجه دفتر وياند ډاكټر فېصل ووئيل مونږ بشري ترقي غواړو

مضمون کا ماخذ : نمبروں دا میگا سینا

متعلقہ مضامین