حكومت د پبلك اكاؤنټس كمېتۍ چيئرمېن شپ لپاره د نامزدګۍ اختيار د مخالفې ډلې مشر ته وركړو

اسلا آباد 13 دسمبر (اے پي پي) حكومت د پبلك اكاؤنټس كمېتۍ چيئرمېن شپ لپاره د نامزدګۍ اختيار د مخالفې ډلې مشر ته وركړې او وئېلې يې دي چې كه د مخالفې ډلې مشر دې لپاره د كوم بل غړي ټاكنه كوي يا هغه پخپله دا چوكۍ سنبهالوي نو حكومت به په دې هېڅ اعتراض نه كوي٬خو په اصولي توګه د حكومت دا دريځ دې چې هر كله د مخالفې ډلې مشر په ضد مقدمې دي ځكه د هغه د پبلك اكاؤنټس كمېټۍ چيئرمېن شپ اخستلو سره به د هېواد بدنامي وشي ځكه هغه دې د كوم بل چا ټاكنه وكړي٬كه دا ايوان په ښه ډول وچلېږي نو تقدس به يې زيات شي٬قانون سازي د دې ايوان بنيادي كار دې٬دې لپاره د قائمه كمېټو تشكيل ضروري دې۔د وزيراعظم مننه كوو چې هغه د پي اے سي د چيئرمېن شپ په معامله د لچك څرګندونه وكړه۔د زيارت په ورځ د قامي اسمبلۍ په غونډه كښې خارجه وزير شاه محمود قرېشي ووئيل چې د مخالفې ډلې مشر په دوه دريو مهمو څيزونو خبرې كړې دي د پروډكشن آرډر پريكړه سپيكر ته كول دي او د دې جاج اخستلې كېږي٬د دې څخه وړاندې د مخالفې ډلې مشر پروډكشن آرډر جاري كړې شوې٬قواعد د دې خبرې اجازه وركوي او روايات هم داسې دي۔ده ووئيل چې د پارلمان د غړي په حېث څه وئېل غواړم٬دا ايوان زمونږ د ټولو دې او د دې احترام په ټولو لازم دې۔حالات بدلېږي رابدلېږي٬اقتدار بدلېږي٬يوه پريكړه مونږ ته كول پكار دي٬دا ايوان فعاله ساتل او د دې تقدس نه پامال كول زمونږ د ټولو ذمه واري ده٬د حكومتي چوكو ذمه واري لږه زياته ده بايد د لويې زړه څرګندونه وكړې شي خو پړق د دواړو لاسو نه خېژي٬خو بايد څه اقدار اپوزېشن هم په نظر كښې وساتي٬مونږ اولس ټاكلو سره رالېږلې يو٬په ايوان كښې د خبرې كولو خپله ګټه ده٬دا جمهوري اقدار دي۔د دواړو خوا د بالغ نظرۍ ضرورت دې٬جمهوريت هم دا دې چې هر يو خپل نظر وړاندې كړي٬كه هره ورځ په ايوان كښې هم دا صورتحال وي چې ګډ وډي دې وي نو قانون سازي به ونه كړې شي۔چې ايوان په حكومت تور لګوي چې د دې له امله قانون سازي نه كېږي او مونږ په اپوزېشن تور لګوو دې سره به مسئله حل نه شي۔ده اپوزېشن ته بلنه وركړه چې راشۍ په يوځاې ايوان وچلو٬د نوې اسمبلۍ په جوړېدو اپوزېشن په ټاكنو كښې بې ضابطګۍ بنياد جوړولو سره د ايوان نه چلېدو اعلان وكړو٬حكومت د دې نوې لار وويستله او د كمېټۍ جوړولو اعلان يې وكړو چې دغسې جاج واخستلې شي او دا كمېټي جوړه كړې شوه٬مونږ كومه يره نه لرو٬كه په دې ايوان كښې د حكومت مشر خبره ونه كړې شي نو د مخالفې ډلې مشر به هم خبره ونه كړې شي او كه د مخالفې ډلې مشر خبرې ته پرې نه ښودلې شي نو د حكومتي ډلې مشر ته به هم كشالۍ وي٬بريګزټ دومره لويه مسئله وه خو هاؤس آف كامنز غېر فعاله نه كړې شو۔په تېر وخت كښې مونږ د خپلې انا او عزت له امله جمهوريت ته زيان رسولې٬مونږ ټول په ځپليو كښې شامل يو٬د پاكستان چېلنجونه د دې خبرې تقاضا كوي چې جمهوريت او د پاكستان ګټې لپاره په خپلو رويو نظرثاني وكړي٬يو بل برداشت كړو٬په تېر دور كښې اپوزېشن په احتجاج وو او حكومت خپل ضد نيولې وو۔ده ووئيل چې د پي اے سي د چيئرمېن شپ معامله به دلته د رولز نه يو خوا ته يو روايت پېدا شو چې چيئرمېن به د مخالفې ډلې مشر وي٬مونږ منو چې چيئرمېن دې د اپوزېشن نه وي٬د مخالفې ډلې په مشر په دې وخت كښې په نېب كښې مقدمې دي٬د دې مقدمو ايوان سره تعلق نشته كوم كيسونه چې جوړ شوي هغه د تېر وخت دي۔پي ټي آئي يا حكومت سره د دې هېڅ تعلق نشته۔ده وئيل چې د مخالفې ډلې مشر دې چوكۍ لپاره نامزدګي وكړي هغه چې د چا نامزدګي وكړي حكومت به اعتراض نه كوي خو اپوزېشن په دې اصرار كوي چې د مخالفې ډلې مشر به جوړېږي٬تېره ورځ مو مولانا اسد محمود ته هم خواست كړې و چې تاسو د ثالثۍ كردار ادا كړئ٬مونږ سهار وزيراعظم ته لاړو او خواست مو وكړو چې تاسو يو دريځ خپل كړې چې په نړيواله كچه به ښه نه ښكاري چې د هغه كس د پي اے سي چيئرمېن جوړ شي په كوم چې د نېب مقدمې دي۔وزيراعظم ووئيل چې كه اپوزېشن پھ دې خبره ضد كوي نو مونږ په دې اصول دا معامله د مخالفې ډلې په مشر پرې ږدو هغه دې پريكړه وكري

مضمون کا ماخذ : خیبر پختونخوا لاٹری

متعلقہ مضامین