پاکستان اتے برونائی دارالسلام وچال بہترین تعلقات دی جڑاں سانجھی مذہبی اقدار اتے آپسی تعاون تے قائم ہن، چیئرمین سینیٹ

اسلام آباد۔2نومبر (اے پی پی) چیئرمین سینیٹ محمدصادق سنجرانی آکھیا جو پاکستان اتے برونائی دارالسلام وچال بہترین تعلقات دی جڑاں سانجھی مذہبی اقدار اتے آپسی تعاون تے قائم ہن۔ سینیٹ سیکرٹریٹ توں جاری بیان موجب اے ڳالھیں انہاں برونائی دارالسلام دے ہائی کمشنر پی جی کمال باشاہ پی جی احمد نال ڳالھ مہاڑ کریندیں ہوئیں آکھی جنہاں خمیس کوں انہاں نال ملاقات کیتی۔ ملاقات اچ آپسی دلچسپی دے معاملیاں سودھے خطے دی اڄوکی صورتحال تے تفصیلی ڳالھ کیتی ڳئی۔ چیئرمین سینیٹ بطور ہائی کمشنر تعیناتی تے انہاں کوں مبارخ ݙتی اتے نیک خواہشات دا اظہار کریندیں ہوئیں آکھیا جو امید اے جو تساݙی تعیناتی نال پاکستان اتے برونائی دارسلام دے تعلقات ٻئے بہتر تھیسن۔ چیئرمین سینیٹ محمدصادق سنجرانی آکھیا جو پاکستان اتے برونائی دارالسلام وچال بہترین ݙوپاسہ تعلقات ہن جنہاں دی جڑاں سانجھے مذہبی اقدار تے قائم ہن۔ برونائی دارسلام دے سفیر آکھیا جو برونائی دارسلام، پاکستان نال ݙوپاسہ تعلقات ودھاوݨ چاہندے۔ خطے اچ امن کیتے پاکستان دی کوششاں قابل تعریف ہن۔

مضمون کا ماخذ : بفیلو بلٹز

متعلقہ مضامین