حکومت آرٹیکل 63 اے دی تشریح کیتے سپریم کورٹ اچ صدارتی ریفرنس دائر کرݨ دا فیصلہ کیتے، وفاقی وزیر اطلاعات و نشریات چوہدری فواد حسین دی وفاقی وزراء نال پریس کانفرنس
APP46-250122
ISLAMABAD: January 25 - Federal Minister for Information and Broadcasting Fawad Hussain Chaudhry addressing the press conference at PTV Headquarter. APP photo by Saeed-ul-Mulk
اسلام آباد۔18مارچ(اے پی پی)وفاقی وزیر اطلاعات و نشریات چوہدری فواد حسین آکھیے جو حکومت فیصلہ کیتے جو آرٹیکل 63 اے دی تشریح کیتے سپریم کورٹ اچ آرٹیکل 186 دے تحت صدارتی ریفرنس فائل کیتا ویسی، سپریم کورٹ توں رائے منڳسوں جݙاں ہک پارٹی دے ممبران واضح طور تے ہارس ٹریڈنگ اچ ملوث ہوون ا??ے وفاداریاں وٹاون تاں انہاں دے ووٹ دی آئینی حیثیت کیا ہوسی، ریکوزیشن تے اسمبلی اجلاس دی تاریخ ݙیوݨ سپیکر دی صوابدید اے، سپریم کورٹ دا 5 رکنی بینچ آکھ چکیے جو جتھاں نااہلی دی مدت نئیں لکھی او نااہلی تاحیات ہوسی۔ اے ڳالھ انہاں وزیراعظم عمران خان دی زیرصدارت پارٹی رہنماواں دے اجلاس دے بعد وزیر خارجہ شاہ محمود قریشی ا??ے وزیر منصوبہ بندی اسد عمر نال پریس کانفرنس نال خطاب اچ آکھی، سندھ ہائوس اچ قید لوکاں کوں چھوڑ ݙیوݨا چاہیدے، ایں بارے صدارتی ریفرنس وی ٻھڄویندے پئے ہیں، جیندے تے سپریم کورٹ دے فیصلے دے مطابق عملدرآمد کریسوں، سپریم کورٹ توں اے وی پچھیے جو جیڑھے لوک نااہل تھیسن او ولا الیکشن لڑ سڳسن یا انہاں تے تاحیات پابندی ہوسی، اے صدارتی ریفرنس سنوار کوں دائر تھی ویسی ڄݙاں جو شوکاز نوٹس سپیکر کوں ٻھیڄے ویسن، ہک پاسو سپیکر نااہلی دی کارروائی شروع کریسن تاں ٻئے پاسو سپریم کورٹ کوں اساں ریفرنس دی روزا??ہ دی بنیاد تے سماعت کرتے فیصلہ ݙیوݨ دا آکھسوں۔
.jpg)
