ملتان۔16اگست (اے پی پی) ملتان،جلالپورپیروالہ انٹرچینج تے مسافر بس اتے آئل ٹینکر اچ ٹکر پاروں 20 بندے جاں بحق، 6 زخمی تھی ڳئے۔ ریسکیو 1122 دے مطابق مسافر بس (ایل ای ایس۔1211)لاہور توں کراچی ویندی پئ?? ہئی جو جلالپورپیروالہ دے نیڑے موٹروے تے بے قابو تھی تے آئل ٹینکر(ایل ڈی اے۔6) دے پچھوں ونڄ لڳی جئیں نال ݙوہیں کوں ٻھاہ لڳ ڳئی۔ ریسکیو ٹیماں موقع تے پڄ تے امدادی کاروائیاں شروع کیتی۔ تصادم پاروں 20 بندے موقع تے جاں بحق اتے چھی زخمی تھیے۔ واقعے دی اطلاع ملدیں ای کمشنرملتان عامرخٹک، ڈپٹی کمشنر طاہروٹو اتے سی پی او خرم شہزاد حیدر موقع تے پڄ ڳئے اتے امدادی کماں دی نگرانی کیتی۔ ایں موقع تے ڈپٹی کمشنر ݙسیا جو حادثے اچ شدید زخمیاں کوں نشت?? ہسپتال پڄا ݙتا ڳئے۔ زخمیاں اچ رضا شہزاد ولد سہیل شہزاد، رئیس ولدابراہیم، شعیب ولد غلام محمد، عرفان ولد محمد شبیر، فریحہ شاہ زوجہ شاہد بھٹی اتے ماہین دختر شاہد بھٹی شامل ہن جڈانجو جاں بحق تھیوݨ آلیاں دی سنڄاݨ تھیندی پئ?? اے۔ سیکرٹر?? ہیلتھ جنوبی پنجاب محمداقبال موٹروے تے تھیوݨ آلے حادثے تے افسوس کریندیں ہوئیں زخمیاں کوں مفت اتے بہترین طبی سہولتاں ݙیوݨ دی ہدایت کیتی۔ ڈپٹی کمشنر طاہروٹو اتے سی پی او خرم شہزاد حیدر نشترہسپتال دا دورہ کیتا اتے زخمیاں دی عیادت کیتی۔
.jpg)
