پارلیمنٹ دے مشترکہ اجلاس اچ سویڈن اچ قرآن پاک دی بے حرمتی دے قبیح واقعہ دی مذمت کیتی ویسی ، جمعہ کوں پورے ملک اچ یوم تقدس قرآن منایا ویسی ، مریم اورنگزیب

اسلام آباد۔6جولائی(اے پی پی) وفاقی وزیر اطلاعات و نشریات مریم اورنگزیب آکھیے پارلیمنٹ دے اڄ تھیوݨ آلے مشترکہ اجلاس اچ سویڈن اچ قرآن پاک دی بے حرمتی دے قبیح واقعہ دی شدید مذمت کیتی ویسی ۔ پارلیمنٹ دے فورم توں دنیا کوں اسلام تے ٻئے مذاہب دے احترام دا سنھیا ݙتا ویسی ۔ وزیراعظم شہباز شریف وی پارلیمنٹ توں خطاب کریسن ۔ قومی احساسات دی ترجمانی کریندے ہوئیں ایجھے افسوسناک واقع??ت روکݨ کیتے اقدامات دا ذ??ر کریسن تے کل جمعہ کوں پورے ملک اچ یوم تقدس قرآن منایا ویسی ، سویڈن واقعہ تے پورے ملک گیر احتجاج تے ریلیاں تھیسن۔ آپݨے ٹویٹ اچ انہاں آکھیے وزیراعظم ساریاں جماعتاں تے قوم توں احتجاج اچ شرکت دی اپیل کیتی اے ۔ وفاقی وزیر اطلاعات آکھیے “میں مذمت کرینداں ” مہم وی شروع کیتی ڳئی اے ، قوم خاص طور تے نینگر ایندے اچ بھرپور حصہ پاون تے یوم تقدس قرآن کوں ھک تحریک اچ بدل ݙیون۔