سکیورٹی فورسز دی شمالی وزیرستان اچ فتنہ الخوارج دے خلاف کارروائی ، 6 دہشتگرد جہنم واصل ، فائرنگ دے تبادلے اچ لیفٹیننٹ کرنل سودھے 6 نینگر شہید

راولپنڈی۔5اکتوبر(اے پی پی) شمالی وزیرستان دے علاقے سپن و??م اچ سکیورٹی فورسز فتنہ الخوارج دے خلاف کارروائی کریندے 6 دہشتگرد جہنم واصل کرݙتن ، فائرنگ دے تبادلے اچ لیفٹیننٹ کرنل سودھے 5 نینگر شہید تھی ڳئن ۔ آئی ایس پی آرتوں جاری پریس ریلیز موجب لیفٹیننٹ کرنل محمد شوکت دہشتگرداں دے خلاف آپݨے دستے دی قیادت کریندے پئے ہن ۔ سکیورٹی فورسز اتے فتنہ الخوارج وچال شدید فائرنگ دا تبادلہ تھئے جیں دے نتیجے اچ 6 دہشتگرداں کوں جہنم واصل کیتا ڳئے جݙاں جو لیفٹیننٹ کرنل سودھے 6 نینگراں جام شہادت ن??ش کیتے۔ آئی ایس پی آر آکھیے علاقے اچ سرچ آپریشن جاری اے ، سکیورٹی فورسز پاکستان توں دہشتگردی دی لعنت مکاوݨ سانڳے پرعزم اے ، ساݙے بہادر سپاہیاں دی قربانیاں ساݙے عزم کوں ٻیا تکڑا کریندن ۔ آئی ایس پی آر موجب شہید لیفٹیننٹ کرنل محمد شوکت دا تعلق فیصل آباد توں اے ۔آئی ایس پی آر موجب شہید تھیوݨ آل??ں اچ لانس نائیک محمداللہ،لانس نائیک اختر زمان،لانس نائیک شاہد اللہ،لانس نائیک یوسف علی اتے سپاہی جمیل احمد شامل ہن جیڑھے مادر وطن تے قربان تھی ڳئن