قوم دهشتگردي خلاف جنگ دوران شهيدن جي عظيم قربانين جو قرض ادا نٿي ڪري سگهي: وفاقي گهرو وزير

اسلام آباد-21 آگسٽ (اي پي پي) وفاقي گهرو وزير محسن نقوي قوم چيو آهي ته قوم دهشتگردي خلاف جنگ دوران شهيدن جي عظيم قربانين جو قرض ادا نٿي ڪري سگهي. اهڙن خيالن جو اظهار هن دهشتگردي سبب متاثرن جي ياد ۽ کين خراج عقيدت پيش ڪرڻ جي عالمي ڏينهن تي پنهنجي پيغام ۾ ڪيو. هن چيو ته آخري دهشتگرد جو خاتمو ڪري شهيدن جي رت جو قرض لاهينداسين. هن چيو ته دهشتگردي خلاف جنگ ۾ شهيد ٿيل قوم جا محسن آهن، دهشتگردي خلاف جنگ ۾ پاڪستان جي هر طبقي قربانيون ڏنيون آهن، پاڪ فوج، پوليس ۽ قانون لاڳو ڪندڙ ادارن جي آفيسرن ۽ جوانن پنهنجي رت سان امن قائم ڪيو آهي. هن چيو ته تاريخ عالم پاڪستان جي لازوال قربانين جي ڪنهن ٻئي مثال ڏيڻ کان قاصر آهي، پاڪستان دهشتگردي سبب سڀ کان وڌيڪ متاثر ملڪ آهي. وفاقي گهرو وزير چيو ته دهشتگردي خلاف جنگ ۾ هزارين ماڻهو شهيد ۽ زخمي ٿيا آهن، حڪومت ۽ قوم شهيدن جي بهادر خاندانن سان گڏ بيٺل آهي. هن چيو ته شهيدن سان انهن جي ڪٽنبن کي شاندار لفظن ۾ خراج عقيدت پيش ٿيون ٿا. اڄ اسان هڪ قوم جي حيثيت سان دهشتگردي سبب متاثرن سان مڪمل يڪجهتي جو اظهار ڪريون ٿا. هن چيو ته پاڪستاني قوم پختي عزم ۽ حوصلي سان دهشتگردي جي لعنت کي منهن ڏنو آهي، اڄ اسان ان عزم جو ورجاءُ ڪريون ٿا ته دهشتگردي جي ناسور جي خاتمي تائين سک سان نه ويهنداسين ۽ اسان جو مستقبل وڌيڪ پرامن ۽ محفوظ هوندو.

مضمون کا ماخذ : آن لائن لاٹری پاکستان

متعلقہ مضامین