پھ افغانستان كښې د امريكائي جنرال جان نيكلسن بيان ناجائز او په يو صورت هم د قبلولو وړ نه دې

اسلام آباد31 اګست (اے پي پي) پاكستان د ترهه ګرو د پټنځايونو په اړه د امريكې تور رد كړی او وئېلې يې دي چې په دې لړ كښې پھ افغانستان كښې د امريكائي جنرال جان نيكلسن بيان ناجائز او په يو صورت هم د قبلولو وړ نه دې٬هند دې د ډوكلام شخړی پشان خپلو نورو ګاونډي هېوادنو سره هم شخړی په ښه ډول حل كړي۔پھ مقبوضه كشمير كښې د بشري حقونو په خلاف ورزۍ او د حريت مشرانو پھ نيولو اندېښنه لرو٬د افغانستان مسئله په طاقت نه شي حل كېدې٬د ټاكل شويو پاكستاني سفيرانو درې ورځنۍ كنفرنس به د نهې په ورځ په اسلام آباد كښې پیل كېږي او مشري به يې وزيراعظم كوي۔دا خبرې د خارجه دفتر وياند محمد نفيس زكريا د زيارت په ورځ داونيز پرېس بريفنګ پھ مهال د بېلا بېلو پوښتنو ځواب وركولو سره وكړې۔په پاكستان كښې د ترهه ګرو د پټڼځايونو په اړه د امريكائي جنرال بيان رد كولو سره وياند ووئيل چې پھ دې لړ كښې د امريكې جنرال بيان په هېڅ صورت د قبلولو وړ نه دې٬د دې په ضد هند افغان خاوره په پاكستان كښې عدم استحكام او وران كارۍ لپاره كاروي چرته چې د تحريك طالبان٬جماعت الاحرار پشمول د نورو ترهه ګرو ډلو پټې اډې جوړې دي۔ ده ووئيل چې پخپله د امريكې د دفاع پخواني وزير چك هيګل د هند لخوا د پاكستان په ضد د افغان خاورې د كارولو اعتراف كړې وو خو وياند ووئيل چې د افغانستان په اړه د پاكستان دريځ واضح دې۔پاكستان پھ افغانستان كښې پوخ امن او استحكام غواړي ځكه چې دا د پاكستان په ګټه دې۔ده ووئيل چې پاكستان د افغانستان پشمول په منطقه كښې امن او استحكام لپاره ټولو مهم هېوادونو سره پھ تماس كښې دې۔د پاكستان او امريكې د اړيكو په اړه وياند ووئيل چې د پاكستان او امريكې ترمينځه په لوړه كچه د رابطو علم نه لرم خو د دواړو هېوادونو ترمينځه د امنيت٬د ترهه ګرۍ مخ نيوي او د سائنس او ټېكنالوجۍ پشمول په نورو څانګو كښې مرسته موجود ده۔ده ووئيل چې د هېوادونو ترمينځه اختلافات ځي راځي۔وياند ووئيل چې خارجه وزير به ډېر زر د امريكې پشمول د يو شمېر دوست هېوادونو په دوره لاړ شي چرته به چې هغه د ملاقاتونو په مهال د سوئېلي آسيا په اړه د امريكې پالېسۍ پشمول په سيمه ايزو او نړيوالو چارو خبرې كوي۔په هند كښې د پاكستان پخواني هائي كمشنر عبدالباسط د خط په اړه وياند ووئيل چې خط بد قسمتي ده٬د چېلنجونو مخ نيوي لپاره به مونږ ته د داسې خبرو نه ډډه كول وي٬د مقبوضه كشمير په اړه وياند ووئيل چې دلته پرله پسې د بشري حقونو څخه سر غړونه روانه ده۔وياند پھ افغانستان كښې د ترهه ګرۍ د پیښو غندنه وكړه او په ټېكساس كښې په طوفان كښې په شوې تباهۍ يې هم د افسوس څرګندونه وكړه

مضمون کا ماخذ : میگا ملینز کے نمبر

متعلقہ مضامین