گھٹ مدت اچ سب توں ودھ اصلاحات پنجاب اچ تھین،پنجاب دی نویں ٹیم آونڑ نال پرانڑے اتے نویں پنجاب اچ فرق ڈسسی،وزیراعظم عمران خان دی لاہور اچ پریس کانفرنس اچ اپوزیشن تے تنقید

APP48-30 LAHORE: November 30 Prime Minister Imran Khan addressing the press conference. APP

لاہور۔30 نومبر(اے پی پی ) وزیراعظم عمران خان آکھیے جو مخالفین اتے مافیاز جانڑدن جیکر حکومت کامیاب تھئی تاں انہاں داپیسہ پکڑیا ویسی اتے انہاں دی سیاست ہمیش کیتے مک سمسی،اج ملک اوکھ توں باھرو نکل آئے،گھٹ مدت اچ سب توں ودھ اصلاحات پنجاب اچ تھین،پنجاب دی نویں ٹیم آونڑ نال پرانڑے اتے نویں پنجاب اچ فرق ڈسسی۔اے گالھ انہاں ایوان وزیر اعلیٰ لاہور اچ ہک پریس کانفرنس کریندے آکھی۔وزیر اعظم دی معاون خصوصی برائے اطلات و نشریات فردوس عاشق اعوان،وزیراعلی پنجاب سردارعثمان بزدار، صوبائی وزیر صنعت و تجارت میاں اسلم اقبال،صوبائی وزیر خزانہ مخدوم ہاشم جواں بخت سودھے بئے اہم لوک وی پریس کانفرنس اچ موجود ہن۔وزیراعظم آکھیے جو حکومتی اقدامات پاروں ملک اوکھ توں نکل آئے،روپے دی قدر، سٹاک مارکیٹ اتے معیشت تکڑی تھیندی پئی اے۔انہاں آکھیے جوساڈامقابلہ مافیا نال اے جیڑھے ساڈے خلاف پروپیگنڈہ کریندے پین،عالمی بنک دے سدر ساڈی معیشت دی ترقی دی تعریف کیتی اے بھل اپوزیشن کوں اپوزیشن تے تنقید توں علاوہ بیا کوئی کم کائنی، مولانا دھرنا ڈتے بھل کہیں کوں پتا کائنا ہا جو او کیوں اسلام آباد بیٹھن،اے مافیا تریہہ سال توں حلوے کھاندا پئے۔ وزیراعظم وزیر اعلیٰ پنجاب دی کاکردگی تے اطمینان کریندے آکھیے جولوک عثمان بزدار دے پچھو پئے گین کیوں جو اے ہک شریف آدمی اے،سب توں ودھ اصلاحات پنجاب اچ تھین،پنجاب اچ گورننس ٹھیک کرنڑ کیتے نویں ٹیم گھن آئے ہیں جھیڑھی تبدیلی ڈکھیسی۔نوازشریف بارے انہاںا ٓکھیے جونوازشریف دی رپورٹ وڈے وڈے ڈاکٹراں ڈتی ہئی، تہوں اساں انسانی ہمدردی سانگے نواز شریف کوں بیرون ملک ونجنڑ دی اجازت ڈتی اے، ہنڑ کوئی شئے لکنڑ آلی نئیں، ہر شئے سامنڑے آ ویسی۔

مضمون کا ماخذ : جنگل کے راز

متعلقہ مضامین