اسلام آباد۔9دسمبر (اے پی پی):وزیر خارجہ مخدوم شاہ محمود قریشی آکھیے جو بھارتی تڑی دے بیان ،توسیع پسندانہ ذہنیت اتے فالس فلگ آپریشن دے خدشات جنوبی ایشیا دے امن و امان کوں خطرے نال ݙوچار کریندے پئن، پاکستان کشمیری بھراویں کوں کلھا نہ چھڑیسی کشمیر دے حوالے نال عالمی سطح دے پارلیمانی اتحاد کیتے کوشاں ہیسے ،سارے کشمیریاں کوں واضح پیغام ??یو?? چاہنداں جو کوئی مائی دا لعل کشمیر دا سودا نی کرسڳدا ،جھیڑا کشمیر دے منصفانہ، پائیدار حل تئیں کوششاں جاری رکھیسون ۔عالمی برادری پ??اݨ?? جھیڑے دے پرامن، منصفانہ اتے مستقل حل کیتے اپݨا کردار ادا کرے۔بدھ کوں انسٹی ٹیوٹ آف ریجنل سٹڈیز اسلام آباد دے زیر اہتمام انٹر نیشنل بین الاپارلیمانی کشمیر کانفرنس توں خطاب کریندے ہوئیں وزیر خارجہ آکھیے جو کانفرنس غیرقانونی طورتے بھارت دے زیرقبضہ جموں وکشمیر دی حالت زار توں دنیا کو?? ݙساوݨ اچ معاون ثاب تھیسی ۔ کانفرنس اچ صدر آزاد کشمیر سردار مسعود خان،برطانیہ دے ایوان نمائندگان اتے ایوان بالا دے اراکین،پاکستانی ارکان پارلیمان، یوتھ پارلیمنٹ دے ارکان اتے جموں وکشمیر استصواب موومنٹ انٹرنیشنل دے سربراہ راجہ نجابت کانفرنس اچ شرکت کیتی ۔شاہ محمود قریشی آکھیا جو 10 ملین کشمیری تارکینِ وطن دنیا وچ کشمیریاں دی آواز ہن او موثر انداز اچ کشمیریاں دا مقدمہ پیش کرسڳدن ۔
